الصفحة الرئيسية

مدونة engy666666

ربنا على الظالم و المفترى

ثلاثاء, 2008-05-13 12:06 — engy666666
 انا وصحابي جه في دماغنا فكره اول السنه خصوصا اننا في ثانويه عامه وكده قلنا ليه ما نعملش مزكره شامله كلمات الالماني كلها سواء مهمه او لا حتي لو ما حفظنهاش وقسمناها حسب الاداه والدرس المهم ظبطناها والمدرسبتاعنا اللي انا بحبه جدا ربنا يخليهMad No ماكانش يعرف اللي احنا بنعملو _المهم ان المزكره خلصت واتكتبت علي الكمبيوتر وبالوان وكانت جامده اخر حاجه علشان احنا اللي عملناها من غير مدرس lol! وجت المصيبه اطسينا في دماغنا وقولنا نوريها للمدرس وفرح بيها بطريقه غير عاديه وبقي يمشي بيها في كل حته زي العيل اللي معاه مصاصه واحنا ما كناش متوقعين كده ولما قولناله هاتها بقي كان فاضله حبه وهيعيط بس حكم القوي علي الضعيف ادهالنا بس من طيبه قلبنا قولنا نعمله نسخه هديه بس هو اكتشف ان من كتابه الكمبيوتر حصل اخطاء فقالنه بكل طيبه وما حدش يعرف اللي كان هينيله هاتوه اصلحهولكوواداناهوله زي العبط و قال هرجعه اقصي حاجه اسبوعين وكل مانقوله انت شكلك كده بتضحك علينا وضيعتها يقولنا انا كانه ملاك وديع <ياما تحت السواهي دواهي> ورجعه بعد................................................

5شهور تصورو وياريته ما رجعه لاقيناه عامل عمايل سوده
اولا [صحح اول 10 صفحات من اوله ومن اخره وساب اللي في النص
ثانيا كاتب شرح اسمك ايه وعندك كام سنه وايام الاسبوع بالقلم الازرق علي ضهر الورق الفاضيثالثااول ماجابه رماه رميه الكلاب علي طربيزه بعيده علشان ما نشوفهوش ومشي بعد الشرح بسرعه علشان مانلحاءوش بعد مانشوف اللي عمله انا اسفه طولت عليكو بس والله ده من غلبي بعد التعب ده كله يبقي ده جزاءنا

هى اخرتها كدة؟؟؟؟؟؟؟؟؟؟

ثلاثاء, 2008-04-29 15:44 — engy666666

 هو ايه اللى بيحصل فى المدونات ده؟؟؟ هى بقت كدة...سومه مبقتش بتكتب ولا عمو صالح ولا عمر المصرى ولا اى حد ...معظم المواضيع بقت شتيمة ....طب هما دخلوا بغرض انهم يبوظوا المدونات ...نقوم نعملهم اللى هما عايزينه؟؟؟

طيب و دلوقتى ايه هى النتيجة؟؟؟
مدونة فاضية الا من كل ما هو غلط؟؟؟
ماحنا كنا بنكتب فى الفن و السياسة و العلم ..حتى النكت ماسبنهاش....
يا جماعة انا اصلا عرفت موقع ماشى من اعلان فى الجورنال ..كانوا بيقولوا انه من المواقع المثالية و خاصة فى مجال المدونات و لما دخلته اكتشفت كدة فعلا لغيط قريب لما بدأ يدخل ناس جديدة معندهمش اى نوع من انواع الاحترام
 
و بدل مانساعد فى انهم هما اللى يمشوا لامشينا احنا...مين يرضى بكدة ...دى المدونات فضيت ..و مبقاش الواحد لاقى اى حاجة حلوة يقراها....على العموم لو الناس الكويسة راحت لموقع تانى ابقوا قولولى ...الظاهر ان ماشى خلاص راحت عليه

قصة للكبار فقط

أربعاء, 2008-04-23 09:18 — engy666666
 

قصه محرجه

منقوووووووووووووووووووووووووووول

في إحدى أيام صيف هذا العام الحار وبينما هو عائد من عمله بعد يوم شاق ومتعب من العمل المكتبي وكان يقود

سيارته الجديدة وفجأة شاهدها وهي تقف بين مجموعة من بنات جنسها قدرهم بحوالي خمس أو ست ولكنها كانت

الوحيدة التي لفتت نظره بكبريائها وشموخها فلم يقاوم نظراتها الخجلة فأوقف سيارته بجانبهم وخرج إليهم وهو كله

شوق ولهفة وما أن مر بجانبها حتى أحسس بدافع قوي نحوها لم تمضي سوى دقائق معدودات

و--------------------------

حتى وجدها تجلس بجواره بالمقعد الأمامي في سيارته تحركت بهم السيارة وهو يسترق النظر إليها بين حينه وأخرى

أنها صغيرة في السن وتبدو عليها أثار ادلع ولم يمنعها حيائها من الرقص في بعض الأحيان على مقتطعات

من أغنية كان الراديو يبثها ( ادلع يا كايدهم----- (

حقيقة قد خاف عليها أن لا تنفعل اكثر وتحرجه مع سائقي المركبات الأخرى

وفجأة إذ بسيارات الشرطة تقف في وسط الشارع للتفتيش

لقد ألجمته المفاجأة الغير متوقعة فسارع بربط حزام الأمان ليتجنب التدقيق من قبلهم فقد كان قلبه يدق بشدة

خوفا وتضامنت مع دقات قلبه بعض من حبات العرق والتي بدأت تسيل فوق جبهته معلنة في صورة رائعة مدى

التضامن الجسدي في جسم الإنسان

رآه الجندي وهو راكب تلك السيارة الفخمة أشار بيده أن يكمل طريقه بدون أن يدقق في أوراقه كعاداتنا العربية الأصيلة في احترام المظاهر الكاذبة

تنفس الصعداء ونظر إليها ولكنها لم تكن تبالي أبدا بما حدث بل إنها زادت في رقصتها الغريبة تارة تميل ذات اليمين

وتارة ذات الشمال مما جعله يقفل المذياع ولف المكان هدوء غريب وبما أن النفس أمارة بالسؤ أراد أن أضع يده

عليها ولكنها تمنعت في خجل مبتعدة فقال في نفسه لا بأس سنصل إلى المنزل وستكونين لي وحينها سوف تندمين

على ما قمت به

ركن سيارته في الجراج الخاص بها وما أن فتح الباب حتى ظهر ابنه الصغر بابا جاء بابا جه ورأها وهي

راكبة بجواره واخذ في الصياح الهستيري وهو يحاول جاهدا أن يسكتة خوفا أن لا يسمع صوته الجيران ولكن هيهات

لقد اسمع كل من بالحي وبما فيهم زوجته العزيزة والتي خرجت حينما سمعت الضجة خارجا

قالتها بصوت منفعل ( لماذا يا زوجي العزيز

اجتمع أبنائه وهم ينظرون إليه بعين الريبة والتحدي

فأمر ابنه الأكبر (بأن يحضر له سكينا ففعل ما امره به وضع يديه عليها ( سبحان من خلقها ملساء وناعمة ) خسارة أن اذبحها ) ولكنة قدرها

تلاقت نظراتهم وكانت النظرة الأخيرة ومن المنتصف شققها نصفين وبصوت واحد صاح كل من بالبيت (( هية هية

حمراء حمراء )) احمد الله أنه وفق هذه المرة في شراء هذه البطيخة لقد كان في تحدي مع زوجته وأبنائه عن البطيخة

اليوم ستكون حمراء وطيبة الطعم وقد كسب التحدي

وليست كبطيخة الأمس...........................................

   

عم سيسألك الله

أربعاء, 2008-04-23 08:54 — engy666666
 

عشرة أشياء لن يسألك الله عنها
1 - لن يسألك ما نوع السيارة التي تقودها
بل سيسألك كم شخصا نقلت بسيارتك ولم تكن لديه وسيلة مواصلات
2 - لن يسألك كم مساحة بيتك
بل سيسألك كم شخصا استضفت فيه
3 - لن يسألك عن الملابس في خزانتك
بل سيسألك كم شخصا كسيت
4 - لن يسألك كم كان راتبك
بل سيسألك كيف أنفقته وكيف لم تتفاخر به أمام الناس
5 - لن يسألك ما هو مسماك الوظيفي
بل سيسألك كيف أديت عملك بقدر ماتستطيع
6 - لن يسألك كم صديقا كان لديك
بل سيسألك لكم شخص كنت له صديقا مخلصا
7 - لن يسألك عن الحي الذي عشت فيه
بل سيسألك أي نوع من الجيران كنت
8 - لن يسألك عن لون بشرتك
بل سيسألك عن مكنونات نفسك ونظرتك للآخرين
9 - لن يسألك كم استغرقت من الوقت لتجد السلام النفسي وتؤمن ببارئك
بل سيأخذك لقصرك في الجنة وليس إلى بوابات جهنم
10 - لن يسألك الله عن عدد الأشخاص الذين أرسلت لهم هذه الرسالة
بل سيسألك إن كنت قد خجلت من إرسالها لأصدقائك الذين تتمنى لهم الخير

منقوووووووووول
   

لمن يرغب

خميس, 2008-04-10 09:50 — engy666666

 يا جماعة انا وصلتنى رسالة بتقول الاتى و حبيت انقلها لكم

السلام عليكم اذا كنت تعرف فقيرا او عاجزا لاايستطيع الحج وقد بلغ سن الستين او السبعين فأن حمله اصدقاء المجتمع تستقبله للحج مجاناً رقم الحمله026919999 بجده انشر للاجر لتلقى في صحيفتك يوم القيامه من حج بسبب رسالتك

مين اللى قتل قطز؟

أحد, 2008-03-30 21:00 — engy666666

 هو سؤال صغير متعلق بالتاريخ شوية.....و متعلق اكتر بقصة وااسلاماه...و انا حبيت استفيد من خبرات ناس كتير فى المدونة دى ...المعروف تاريخيا ان من قتل الملك قطز هو صديقه الوفى بيبرس...و هو مايعرفه الكثيرون...و لكننى سمعت مؤخرا ان من قتله فى الحقيقة هم اليهود...و ان ذلك موضح فى كتاب "الطريق الى بيت المقدس ..اخطاء يجب ان تصحح فى التاريخ" و ان حكاية بيبرس اتعملت حرصا على مصلحة اليهود لان التاريخ كله بيتزور لمصلحتهم..

و انا كنت عايزة اعرف رأيكم هل فعلا وصلت للدرجة دى؟؟؟؟؟؟؟؟

هى مصر مبقتش امى؟؟؟؟

خميس, 2008-03-27 08:30 — engy666666

 سؤال جه فى بالى امبارح....هو احنا اعتراضنا على مصر ولا المصريين ولا القائمين على الحكم فى مصر؟؟

امبارح كنت قاعدة و بكلم شخص معين و بقوله بكل صراحة انه بيكره مصر لقيته بكل سرعة بيقولى ..لا انا بعترض على القائمين على حكم مصر....تصدقوا عنده حق....اصل مصر ملهاش دعوة ..التراب و الهوا و المياه و حتى السحابة السوداء مش بايدهم اللى بيحصل ...بس انا بقى اعتراضى على المصريين "قال يعنى انا مش منهم" كتير بيقولوا ان الشعب المصرى طيب بس انا مش شايفة كدة انا شايفة انه سلبى مع انه مغلوب على امره حيعمل ايه؟؟؟

طب سؤال تانى..انا بدرس حاليا قصة وااسلاماه و بكتشف ان مفيش حاكم ظالم حكم مصر الا و اتشال ..كان دايما الشعب بيعمل ثورة و يشيله..ده حتى شجرة الدر كانت بتقول ان مينفعش حد ييجى على مصلحة الشعب..تخيلوا الملكة بتخاف من الشعب...طب ليه دلوقتى كلنا ساكتين ..اخرنا الكتابة ..مبنعملش حاجة ....انا مش عايزة نبقى زى كل مرة و نفضل ساكتين ..فيها ايه لو كل واحد كتب فكرة ممكن نعملها او حتى عبر برأيه ليه الشعب ساكت؟؟علشان لقمة العيش طب مهو لو اتكلم لقمة العيش حيلاقيها ....و عايزة رد الناس اللى بتكتب فى المواضيع الخاصة بالسياسة اعتراضكوا على مصر ولا الحكومة ولا المصريين

الى الناس الكويسة

ثلاثاء, 2008-03-18 09:18 — engy666666

 السلام عليكم و رحمة الله و بركاته :

ازيكم جميعا

....انا بقالى كتير مكتبتش بس انتوا عارفين الدنيا مشاغل....

انا بس كنت عايزة اخد رٍأيكم فى حاجة....هو الللى احنا فيه ده صح؟؟ يعنى ...مظاهرات و احتجاجات و عيش سورى (قصدى مفيش عيش) و محاكمات....و اخوان مسلمين و دكاترة و قضايا

بس يا ترى فعلا المسئولين معتقدين ان الشعب مرتاح..هل هم للدرجة دى مش حاسين بينا خالص؟؟؟؟ ماعتقدش .... بس هو اكيد اللى ايده فى المية مش زى اللى ايده فى النار... بس تعرفوا الغلاء ده وسيلة فعالة جدا للقضاء على الشعب بسرعة...انتوا تعرفوا طبعا ان الزيت غلى و مافيش حد حيقدر يستغنى عن الزيت و لكن اللى حيحصل ان بدل ماكل شوية تغير الزيت ..لا ..تستهلكه 3..4..5 مرات و بعدين ترميه ..تعرفوا بقى ان الزيت لو اتقلى بيه مرتين تلاتة بيجيب سرطان ...و اهو كدة الحكومة ملهاش دعوة...انا سمعت عن سائل بيحلل جسم الانسان و مايتفضلش فيه ولا حاجة ....ممكن يبقوا يجربوا الاختراع ده فى شعبهم ..... و دى بقى تبقى الجريمة الكالمة....

بس اكيد الحكومة مش محتاجة لافكارى ...الوسائل عندهم كتيرة.... ربنا يزيد و يبارك.....

انا مش عارفة حاسة انى بهيس ..معلشى اصلى لسة شايفة مظاهرة من كام يوم(اول مظاهرة اشوفها فى حياتى)

اما دلوقتى ايه الحل ........مفيش ...لكن زى ماكتبت قبل كدة "لا تأتى خيوط ضوء الفجر الاولى الا بعد احلك ساعات الليل ظلاما" يعنى خلاص اكيد الفرج قرب..قولوا يا مسهل...بس تعرفوا برضه العيب فينا علشان احنا بعدنا عن ربنا و عن الايمان...و دول مجرد عقاب لينا ....شوفتوا بقى  الحكومة طيبة و احنا بس اللى ظالمينها ازاى ..ربنا يقويها كمان و كمان و ينصرها على مين يعاديها

سلامى للاعضاء القدام و الاعضاء الجداد و كل الناس الكويسة

اختكم انجى

 

مطلوب منكم الرحمة

خميس, 2008-01-31 18:59 — engy666666

 السلام عليكم و رحمة الله و بركاته

يا جماعة انا بطلب منك طلب صغير قوى كل حد يفتح الصفحة دى يقرا الفاتحة لواحدة زميلتى اتوفت. يمكن دى اكتر حاجة تقدروا تعملوها لها دلوقتى..كمان ياريت تدعوا ان ربنا يغفرلها و يسامحها...و يدخلها فسيح جناته...اللهم أمين

privat zu Somaa

خميس, 2008-01-31 08:43 — engy666666

 hallo,Somaa

du sprechest Deutsch oder.. ? bitte gib mir dein E-mail und bald komme ich im Kontakt mit dir.. ich mochte meine Infomationen modernieren. mein E-mail ist engy759@yahoo.com bitte schick mir deinen

vielen Danken

Engy .. 

1234التالية ›الأخيرة »
لَقِّم المحتوى